SADDA ATIKKU'

                        Itellae Appada Oroanengeng

30 November, 2011

Agaje' yaseng Appada Oroanengeng?. Engka makkeda itellae "Appada Oroanengeng" sibawatta' ero kaminang mareppe'e ko idi', misseng manengngi sininna gau'2ta mappammula baiccu' lettu' maloppo, engkatona makkeda "kega kegaki' llao toli engkai mewaki' sibawa". tafi' engkatosibawakku' makkedaika' "iyyaro yewae sifakaenra enra mmolai ferri nyamenna lino", tafi' engka faggangkanna riwettu mmoloitta' sussa nafalaloki' mappikkiri' sarekkuammengngi engkaki' mappunnai annawa nawangeng untuk patemme'i fassaleng lai yoloiyye, mauniro maddimonri engkai alena sadia fabantu pikkirikiwi fassaletta'.

Maderri toniro ta'e sembarang ufau' makkeda Appada Oroanengekku "Yanu".  Yakia wettunna itanaika' passalenna "Yanu" mabiasa tona' pusa makkeda agana wappebaliangeng. Akkosiro maderrika' mappikkiri' makkeda iyyenagaje' yaseng Appada Oroanengeng?. Yonroika' makkutana na dewisseng baliwi fakkutanae lao ko "Yanu". Sitongennaro lau wajeppui Appada Oroanengeng sifahang marilaleng atiki', sifarengngerrangeng ritujunna atakkalufangengnge. Ko menuru' pahakku iyya' Appada Oroanengengnge, temmangki lairisseng appanna, narekko ifahamui marilaleng sifa' nennia ampe kedona iyya weddingnge yewa sibali reso, siakkatenning lima molai ferri nyamenna atuongengnge rilino.

Naulle fada fura maneng mua ifirasai faina, kuaseng matoiro Appada Oroanengeng, yakia nalama' pappasidafi lo nruntu'i anu namminasaiyye. leleattana masessa nappani' nasalai temmappuada makkeda "Ahh..."!!!.

 Magae riyaseng Appada Oroanengeng?.

Akkalebarakeng: Seuwwa esso makkedaka' LaBeddu Appada Oroanengekku, sisenna LaBeddu itanai niga Appada Oroanengemmu?, nabalini makkeda LaBolong, Jamile', LaDofink tafi' degaga asekku nateppu. Akkoniro lau cobai mappikkiri'e "Iyya' mememmiro malai Appada Oroanengeng LaBeddu, iyya' de narafangnga". nulle memeng kafang iyya' taniaka' Appada Oroanengeng makanja'. maderri toni tuo ko ilaleng atikku', sibawakku' maega folena engka wewae siruntu' esso esso, engka to siruntu' akko Fesbuk'e sibawa rilainnae tofa, yakia iyye manennagaro maka yala Appada Oroanengeng?.

Engka anggota fura kiringekka eS eM eS makkeda "detto ufurennuki' tarafangnga' tau paling makanja' rilaleng atuongetta, iyyero farellaukku' paling maloppo llao ri idi', ufominasami seuwwa wettu matu' taengkalingai asekku', engkaki' micawa cabberu mappuada makkeda Appada Oroanengekku itu" DMC. Marilaleng ladde' usedding bettuangenna ero adae rieseku', ada mappakkoenaro maladde' usappa memeng iyya'. "Detto umelo ta'angke' yakia ko engka makkutanangngi asekku' tappa makkedai "LaChippank itu Appada Oroanengekku". Detto nafarellu niga kkoangnge' Appada Oroanengekku' nasaba' belle' tentu sifahanna atikku.aja tona naiteppu tasseddi seddi makkeda Appada Oroanengekku' iyyewe, iyye toe, yanu sibawa yanu.. anu na manu, nasaba' engka ammana de naitepp asenna na messe nyawa llao akko iyya'.

Cuku'ni makkedaka', "Iyyero walae Appada Oroanengeng malae tokka' Appada Oroanengeng".

SELLENG SALAMA' POLE RI IYYA LAO KO IDI' MANENG BACAENGNGI OKIKU'.